#Кыскача яңалыклар 24 март 2021, 10:50

Үз сыйныфташларына һөҗүм итәргә әзерләнгән яшүсмерне тоткарлаганнар

24 март 2021, 10:50

"ВКонтакте" социаль челтәрендә шартлаткыч матдә әзерләү һәм сыйныфташларына һөҗүм ясау ниятләре турындагы мәгълүматны урнаштырган Сочидагы лицей укучысы тоткарланган.

Скопировать ссылку

Бу хакта Россия Федераль куркынычсызлык хезмәтенең Иҗтимагый элемтәләр үзәгендә "Российская газета" хәбәрчесенә хәбәр иткәннәр.
ФСБ хезмәткәрләре аның өендә мөстәкыйль рәвештә әзерләнгән шартлаткыч матдә табып алганнар. Шулай ук кулдан ясалган шартлаткыч җайланмалар, элемтә чаралары әзерләү өчен компонентлар, аларны җыю һәм куллану инструкцияләре булган шәхси көндәлек, моннан тыш мәгариф учреждениеләренә булган кораллы һөҗүмнәр турында материаллар да табылган. Оператив видео кадрларыннан күренгәнчә, яшүсмер үзе яши торган фатирдагы ашханәдә шартлаткыч матдәләрне сынап караган. Җинаять эше ачу мәсьәләсе хәл ителә.

18+

Фото: http://www.fsb.ru

Кызыклы яңалыкларны күзәтеп бару өчен безнең МАХ каналына кушылыгыз.

#яшүсмер #МВД РТ #ФСБ РФ