Заманча торак нинди була?

Биредә төрле төбәк­ләрдән, чит илләрдән килгән танылган белгечләр шәһәр мохитен төзү хакында фикер алышты. Бүген форумда катнашучылар «Яшәр өчен мохит» дигән пленар сессиядә, тематик секцияләрдә чыгыш ясаячак.

Чарага Татарстан Премьер-министры Илдар Халиков, Татарстан Президенты ярдәмчесе Наталия Фишман да килгән иде.
- Форумның Татарстанда, Иннополиста уздырылуы бик мөһим мәгънәгә ия. Бәлки әлеге чара быел гына ­түгел, мөгаен, 1986 елда ук үткәрелергә тиеш булгандыр. Шул еллардан бирле илебездә технологияләр үсешендә күп нәрсә үзгәрде. Әмма никтер без һаман да бер үк төрле йортлар, «К», «М», «Б» хәрефләре рәвешендә тораклар салуны дәвам итәбез, - дип искәртте Премьер-министр Илдар Халиков.

Яңа стандартлар буенча төзелгән заманча торак нинди була? Россиянең Ипотека буенча торакка кредит бирү агентлыгыңда бу мәсьәләгә күптән игътибар бирелә башлаган. Әйтик, яз көне Россия Президенты Владимир Путин үткәргән шәһәр төзелеше мәсьәләләренә багыш­ланган киңәшмәдән соң, Россия шәһәрләрен үсте­рүнең яңа стандартларын әзерләү бурычы куелган. Бурыч үтәлә дияргә була. Россия­нең күп кенә шә­һәрләре, шул исәптән Казан да күзгә күренеп үзгәрә бара.Нәтиҗә үзен киләчәктә ­тагын да сиздерер әле. Иннополис - киләчәк шә­һәре үзе дә күмпедер дә­рәҗәдә моның ачык мисалы. Бу шәһәрдә заманча калаларны проектлауның яңа ­стандартлары чагылыш ­тапкан.
Ике көн дәвам иткән форумда белгечләр төрле остаханәләрдә тәҗрибә уртак­лаша ала. Шәһәр мохитен төзүгә яңача караш формалаштыру мөмкинлеге дә тудырыла.