#Кыскача яңалыклар 10 февраль 2026, 14:03

1 апрельдән социаль пенсияләр арта: кемнәргә һәм күпмегә?

10 февраль 2026, 14:03

1 апрельдән Россиядә социаль пенсияләр 6,8%ка индексацияләнәчәк. Күтәрелеш фаразланган инфляция дәрәҗәсенә туры китереп башкарыла.

Скопировать ссылку

Социаль пенсияләр картлык, инвалидлык, туендыручысын югалту очрагында, шулай ук ятим балаларга билгеләнә. Картлык буенча социаль пенсия иминият пенсиясе алу хокукы булмаган гражданнарга түләнә. Моның өчен кимендә 15 ел рәсми хезмәт стажы һәм 30 пенсия баллы булу таләп ителә.

Индексация автомат рәвештә узачак — пенсионерларга гариза язу яки өстәмә документлар тапшыру кирәк түгел. 2026 елда социаль пенсиянең минималь күләме 9 424,1 сум булачак.

Әгәр социаль пенсия пенсионерның бердәнбер керем чыганагы булып торса, аңа яшәү минимумы дәрәҗәсенә кадәр өстәмә түләү каралган. Татарстанда быел пенсионерлар өчен яшәү минимумы 16 098 сум тәшкил итә.

Кызыклы яңалыкларны күзәтеп бару өчен безнең МАХ каналына кушылыгыз.