1 августтан эшләүче пенсионерларга иминият пенсияләре арттырылды

1 августтан Россиядә эшләүче пенсионерлар өчен иминият пенсияләре яңадан исәпләнде. Бу 9,6 млн кешегә кагылган, дип хәбәр иткән ТАССка Россиянең социаль фонды.

Пенсияләрне яңадан исәпләү пенсионерларның хезмәт хакына бәйле, шуңа күрә өстәмә күләме индивидуаль булачак. Максималь өч пенсия коэффициенты алырга мөмкин.
Фонд рәисе Сергей Чирков билгеләп үткәнчә, яңадан исәпләү процессы мөмкин кадәр гадиләштерелгән: пенсионерларга беркая да мөрәҗәгать итәргә кирәкми, барлык түләүләр дә автомат рәвештә августта исәпләнәчәк.

Исегезгә төшерәбез, Россиядә хатын-кызларның пенсияләренең уртача күләме ун елга беренче тапкыр ир-атларныкына караганда югарырак булды. Росстат мәгълүматларына караганда, 2025 елның 1 гыйнварына хатын — кызлар уртача 23 249 сум ала, ә ир-атлар-23 028 сум.