1 октябрьдән хезмәт хакы артачак хезмәткәрләр аталды

Педагогларның, табибларның, социаль хезмәтләр, гадәттән тыш хәлләр министрлыгы һәм башка социаль оешмаларның хезмәт хаклары 1 гыйнвардан 1 октябрьгә кадәр бюджет хезмәткәрләренең хезмәт хакын индексацияләүнең беренче этабы барышында 13,2 процентка артачак, дип сөйләгән РИА Новостига Россия Федерациясе Президенты каршындагы Россия халык хуҗалыгы һәм дәүләт хезмәте академиясенең (РАНХиГС) эшкуарлык, хезмәт һәм корпоратив хокук кафедрасы өлкән укытучысы Татьяна Голубева.

"Бюджет хезмәткәрләренең хезмәт хакларын индексацияләү 2025 елның 1 гыйнварыннан узачак һәм берьюлы 13,2 процент тәшкил итәчәк. Индексация ике этапта булачак. Беренчесе мәгариф һәм медицина учреждениеләре, социаль хезмәтләр, гадәттән тыш хәлләр министрлыгы һәм башка социаль ведомстволар хезмәткәрләренең хезмәт керемнәрен арттыруны күздә тота", - дигән Голубева.

Ул билгеләп үткәнчә, икенче этап агымдагы елның 1 октябреннән узачак. Арттыру хезмәткәр тотрыклы рәвештә ала торган түләүләргә - окладка һәм даими премияләргә кулланыла.

Дәүләт органнары һәм муниципаль учреждениеләр хезмәткәрләренең хезмәт хакларын индексацияләү хезмәт законнарында яисә башка җайга салу документларында билгеләнгән кагыйдәләр буенча уза. Калган эш бирүчеләр коллектив килешүләрдә яки локаль норматив актларда язылган шартлар нигезендә индексация уздыра ала, дип аңлаткан эксперт.