#Кыскача яңалыклар 22 февраль 2026, 14:43

1 сентябрьдән 8нче сыйныфларда җәмгыять белеме укытылмаячак

22 февраль 2026, 14:43

Сергей Кравцов белдерүенчә, 1 сентябрьдән Россия мәктәпләренең 8нче сыйныф укучылары җәмгыять белемен өйрәнмәячәк.

Скопировать ссылку

Әлеге үзгәрешләр мәктәп программасындагы планлаштырылган яңартулар кысаларында гамәлгә ашырыла.

Министр сүзләренчә, җәмгыять белеме буенча яңа программаларга күчү акрынлап, ике ел дәвамында башкарылачак. Быелгы уку елында бу фәнне 8–11нче сыйныф укучылары өйрәнүен дәвам итә. Әмма яңа уку елыннан җәмгыять белеме 9–11нче сыйныфлар программасында гына калачак.

Шулай ук 9–11нче сыйныфлар өчен җәмгыять белеме буенча яңа бердәм дәреслекләр әзерләү тәмамланган.

Моннан тыш, яңа уку елыннан мәктәп программасына «Хезмәткә өйрәтү. Беренче» дип аталган яңа юнәлеш кертелә. Элек дәрестән тыш форматта булган әлеге программа укучыларга алган белемнәрен гамәлдә кулланырга, һөнәри үзбилгеләнүгә беренче адымнарын ясарга ярдәм итүне күздә тота. Уңышлы проектлар өчен БДИ нәтиҗәләренә өстәмә баллар өстәү дә карала.

Кызыклы яңалыкларны күзәтеп бару өчен безнең МАХ каналына кушылыгыз.