#Кыскача яңалыклар 06 август 2025, 15:15

1 сентябрьдән тыячаклар. Машина йөртүчеләр игьтибарына

06 август 2025, 15:15

1 сентябрьдән Россиядә транспорт белән идарә итүгә карата яңартылган медицина күрсәтмәләре үз көченә керәчәк.

Скопировать ссылку

Бу хакта RT басмасына Дәүләт мәгариф университетының медицина факультеты хирургия кафедрасы укытучысы Александр Умнов хәбәр иткән.

Аның сүзләренә караганда, исемлектән сирәк очрый торган ахроматопсия төшереп калдырылган. Аның урынына хәзер төсле күрүнең киң таралган аномалияләре – өлешчә төсле сукырлык, кызыл яки яшел төсне бозып кабул итү телгә алына. «Аномалияләр тумыштан килгән һәм тора-бара барлыкка килгәннәре дә бик күп», - дип ачыклык керткән эксперт.

Моннан тыш, исемлекне психологик үсешнең гомуми тайпылышлары тулыландырылган, шул исәптән аутизм, Аспергер синдромы һәм Ретт синдромы да кертелгән. Бу автомобиль йөртү социаль мөнәсәбәтләрне дә, хәрәкәтләрне координацияләүне дә, алдан планлаштыруны да, күп бурычлылыкны да, өстенлекләрне кую һәм борчылуны һәм сенсор сизгерлекне контрольдә тоту сәләтен дә үз эченә алуы белән бәйле.

Умнов шулай ук ассызыклаганча: әгәр диагноз машина йөртү таныклыгын алганнан соң куелса, документлар гамәлдән чыгарылырга мөмкин – хәтта Россиядә медкомиссия 10 елга бер тапкыр узса да.

Авырулардан тыш, кайбер дару препаратларына карата да чикләүләр бар. Бу, аерым алганда, психик тайпылышлар вакытында кулланыла торган транквилизаторлар, йокы дарулары, антидепрессантлар һәм нейролептиклар. Ноотроплар кабул иткәндә дә саклык кирәк.

Кызыклы яңалыкларны күзәтеп бару өчен безнең МАХ каналына кушылыгыз.