2025 елда иң зур суммадагы кредитларны Татарстан халкы сораган

Россиялеләр 2025 елда акчалата кредитны уртача 730 мең сумга сораганнар, шул ук вакытта иң зур уртача сумма Татарстанда теркәлгән - 1,2 млн сум. Бу хакта ТАСС мәгьлүмат агентлыгына "Финуслуги"маркетплейсы матбугат хезмәтендә хәбәр иткәннәр.

"Россиялеләр 2025 елда уртача 730 мең сум күләмендә акчалата кредит сораганнар. Кредитларның иң зур суммаларын Татарстанда яшәүчеләр сораган, анда уртача сумма 1,2 млн сум тәшкил иткән. Икенче урында Мәскәү, анда уртача күрсәткеч 1,1 млн сум тәшкил иткән, өченчедә - 959,9 мең сум күрсәткече белән Мәскәү өлкәсе", - диелә "Финуслуги" мәгълүматларында.

ТОП-3кә иң тыйнак кредит сораулары белән Ставрополь крае кергән, анда уртача сумма 268 мең сум тәшкил иткән, шулай ук Алтай крае (506 мең сум) һәм Кемеров өлкәсе (529 мең сум).

"Финуслуги" исәпләве буенча, 2025 елда соралган кредитның уртача срогы 3,2 ел тәшкил иткән. Заемщикның уртача яше-37 яшь. Аларның 46% тан артыгы югары белемле. Кредит сораучылар арасында ир-атлар өлеше 67,4% тәшкил иткән, хатын - кызлар өлеше-32,6%.

Соралган сумманың уртача күләме турындагы мәгълүматлар "Финуслуги"маркетплейсы аша бирелгән гаризалар нигезендә исәпләнгән.