2026 елның 1 гыйнварыннан МРОТның күпме булачагы билгеле

Хезмәт өчен түләүнең минималь күләме (МРОТ) 2026 елда 20,7 процентка артачак һәм 27 093 сум тәшкил итәчәк. Тиешле закон проекты җәмәгать фикер алышуы өчен regulation.gov.ru порталында (норматив хокукый актлар проектлары - ИФ) урнаштырылган.

Хезмәт өчен түләүнең минималь күләме турында "Федераль законның 1 маддәсенә үзгәреш кертү хакында" закон проекты буенча иҗтимагый фикер алышу 4 августка кадәр дәвам итәчәк.

Хезмәт министрлыгында искә төшерүләренчә, МРОТ ел саен хөкүмәт тарафыннан федераль закон нормаларын исәпкә алып билгеләнә, ул МРОТ күләмен узган ел өчен медиан хезмәт хакының 48% тан да ким булмаган күләмдә билгели.

"Хезмәт өчен түләүнең минималь күләмен билгеләүгә кабул ителгән алымнар минималь хезмәт хакын алдан үстерү буенча Президент йөкләмәсен үтәүне тәэмин итәргә мөмкинлек бирә. Хәзерге медиан хезмәт хакы дәрәҗәсен исәпкә алып, 2026 елда хезмәт өчен түләүнең минималь күләмен 27093 сум дәрәҗәсендә билгеләргә тәкъдим ителә. Шул рәвешле, МРОТ 20,7% ка артачак, ягъни инфляциядән югарырак", - ди Россия Хезмәт министрлыгы башлыгы Антон Котяков.

Минималь хезмәт хакы күләмен арттыру турыдан-туры 4,6 млн россиялегә кагыла, дип билгеләп үтелә.

Хәзерге вакытта МРОТ 22 440 сумга тигез.