2026 елның беренче дүрт көнендә Татарстанда 200гә якын машина йөртүче исерек хәлдә тоткарланган

Татарстанда 2026 елның беренче дүрт көнендә Дәүләт автоинспекциясе хезмәткәрләре транспорт белән исерек хәлдә идарә иткән 196 машина йөртүчене тоткан. Тиешле рейдлар бөтен республика буенча узды.

Гамәлдәге закон буенча исерек килеш руль артына утырган өчен 1,5 елдан 2 елга кадәр идарә итү хокукыннан мәхрүм итү һәм 45 мең сум күләмендә штраф каралган. Медицина тикшерүен узудан баш тартканнарга да шундый ук җәза яный. Кабат кагыйдә бозу очрагында җаваплылык шактый катгыйлана – машина йөртүчегә өч елга кадәр ирегеннән мәхрүм итү яный. Моннан тыш, судның гаепләү карары буенча транспорт чарасы конфискацияләнергә мөмкин.