90 көн дәшмәү — номерны югалтуга сәбәп булырга мөмкин

Бу хакта адвокат Яна Ковалевская РИАМО порталына сөйләде, дип яза РИА Новости.

«Номерны югалту мәсьәләсенә килгәндә: 90 көн дәвамында дәшмәү яки балансның нольгә китүе операторга элемтә хезмәте күрсәтү килешүен өзәргә мөмкинлек бирә. Мондый очракта килешү абонентның үз инициативасы белән туктатылган дип санала. Сирәк очракларда бу срок 180 көн тәшкил итә, ләкин гадәттә — 90 көн», — дип аңлаткан ул.

Номерны өзгәннән соң оператор гадәттә ике ай дәвамында бу номерга яңа абонент белән килешү төземи.

Әгәр номер блокланган булса, колл-үзәк белән элемтәгә керергә яки турыдан-туры оператор офисына мөрәҗәгать итеп, аны торгызырга тырышырга киңәш ителә. Әгәр номер югалган һәм кеше зыян күргән икән, компенсация турында сорау туа. Ә килешү абонент инициативасы белән туктатылган булса, компенсация каралмаган.

Юрист сүзләренчә, законсыз рәвештә номерны өзгәннәрен исбатлау өчен зыянның элемтә операторы гаебе белән килеп чыкканлыгын күрсәтергә кирәк булачак.

Билгеле булганча, «Яшәү өчен инфраструктура» илкүләм проекты гамәлгә ашырыла.