90 сумга йорт алырга була

Йортлар нибары 1 еврога сатыла. Пенне провинциясе җитәкчелеге дәүләт программасын булдырган, үз халкына бер еврога йорт сатып алырга мөмкинлек биреп, шәһәрне матурлау дәрәҗәсенә ирешмәкчеләр. Йортларның тышкы кыяфәте һичшиксез яхшырачак дип уйлыйлар. Йортларны сатып алучыларга нәкъ менә шундый шарт куелган да. Әлеге дәүләт программасында атнашу өчен алар йортны сатып алганнан соң 3 ел эчендә йортка ремонт ясарга тиешләр. Шәһәр мэриясендә әйтүләренчә, әлеге йортларда яшәүчеләр берничә дистә ел элек күченеп киткәннәр, алар буш килеш торган, кыяфәтләре дә, төзеклеге дә какшаган.

Аларны төзекләндерергә дәүләтнең акчасы юк, ә менә шәхси кулларга бирелгәч, алар яңа сулыш алыр, матурланырлар дип өметләнәләр. Яңа программаның шәһәрне бер баскычка югары күтәрәчәгенә шикләнмиләр. Әлегә саннар гына куандырырга ашыкмый икән, сатуга куелган 40 лап йортның 2022 елдан бирле нибары алтысы гына сатылган, калганныр үз хуҗаларын көтә. Кызык, россиялеләр иске таш йортларны сатып алырлар идеме икән?