#Кыскача яңалыклар 07 февраля 2025, 13:09 Уку өчен 2 минут

Акча эшләргә өметләнеп, мошенникларга 8 миллион сум акча күчергән

07 февраля 2025, 13:09

Уку өчен 2 минут

2024 елның маенда Бөгелмәдә яшәүче бер ир-егет отышлы кертемнәр турында реклама күргән һәм күрсәтелгән номер буенча шалтыраткан, дип хәбәр итә ТР буенча Эчке эшләр министрлыгы матбугат хезмәте.

Скопировать ссылку

Аңа җавап биргән кеше махсус сайтта теркәлергә һәм беренче сумманы – 6 мең сумны күчерергә күндергән.

Виртуаль счетта «табыш» үсә башлаган һәм ир-ат миллион сум акча кертеп табыш алырга карар кылган. Керемнәрнең артуын күреп, ул акрынлап танышларыннан акча алган һәм кредитлар рәсмиләштереп, акча «кертүен» дәвам иткән.

Сигез ай дәвамында ул берничә тапкыр акчасын мошенниклар счетына күчергән, тик кире аларны процентлар белән чыгара алмаган. Шуннан соң «инвесторлар» элемтәгә чыгудан туктаган һәм аны блоклап куйганнар. Алданган ир-егетнең "суга салган" акчасының гомуми суммасы 8 миллион 34 мең сум тәшкил иткән. Зыян күрүче полициягә мөрәҗәгать иткән.

Кызыклы яңалыкларны күзәтеп бару өчен Телеграм-каналга кушылыгыз.