“Ашыгыч ярдәм”гә ярдәм итмәүчеләр игътибарына

Бу хактагы закон проекты Дәүләт Думасына җибәрелгән. Депутат Ярослав Нилов белдергәнчә, табиблар утырган машиналарга юл бирмәүче намуссыз шоферларга 20-30 мең сум штраф салынырга яки ике елга кадәр машина йөртү таныклыкларыннан мәхрүм итәргә мөмкиннәр. Мондый карарга килергә җыенулары юкка түгел.

Чөнки “Ашыгыч ярдәм” машинасын үткәрмичә юлда басып торучы машина хуҗалары ил буенча арткан. Андыйларны күптән закон нигезендә  “акылга” утыртырга кирәк дип саный бу хәл белән очрашкан кешеләр.