Азык-төлеккә бәяләр бермәбер артуның сәбәбе аталды

Аның сүзләренчә, бар гаеп арадашчыларда, ягъни аларның азык-төлек бәясен бермәбер арттырып сатуында. Товарларны төрү һәм китерү буенча хезмәтләр “акыл кысалары”ннан чыгарга тиеш түгел.

-    Федераль монополиягә каршы хезмәт ачыклаганча, аерым очракларда товарларга маржа 50 процентка кадәр җитә, аерым алганда, балык продукциясе белән шундый вазгыять. Балыкчыдан алып соңгы тәэмин итүчегә кадәрге чылбырда 6 арадашчы табылган. Нәтиҗәдә, кулланучы өчен бәя 3,5 тапкырга арткан. Ведомство даими рәвештә турыдан-туры тикшерүләр үткәрә, кисәтүләр бирелә, эшләр кузгатыла. Әмма, минемчә, базарның барлык уенчылары белән тагын да активрак хезмәттәшлек итәргә кирәк. Әгәр кирәк булса – иң катгый чаралар күрергә, - ди Мишустин. 

Хөкүмәт башлыгы сүзләренчә, хакимият сатып алучыларның мәнфәгатьләрен яклый алган. Кайбер товарларга бәяләр үсешен тоткарлау өчен, аларны ил чикләреннән чыгаруны вакытлыча чикләү турында карар кабул ителгән. Мисал өчен, бөртекле культуралар һәм көнбагыш мае белән шулай булды. Эчке базарны продуктлар белән баету кирәк булган очракта, аларны дустанә илләрдән кертү вакытлыча киңәйтелә. Бу ихтыяҗ һәм тәкъдимнәр балансын булдырырга, кискен бәя артуына юл куймаска ярдәм итә, дип аңлатты Мишустин.