Байлар һәм ярлылар керемнәре арасында аерма арткан

Иң аз тәэмин ителгән 10 процент россиялеләрнең җан башына айлык керемнәре исә 6,5 процентка (14,4 мең сумга кадәр) үскән. Бу хакта «Росстат» докладына таянып, «Ведомости» хәбәр итә. Гомумән алганда, халыкның җан башына уртача акча керемнәре реаль чагылышта 2024 елда 8,9 процентка (аена 77,6 мең сумга кадәр) арткан.

Байларның керемнәре ярлыларның керемнәреннән тизрәк үсү вазгыяте 2023 елның IV кварталында да билгеләп үтелде (ярлыларныкы 5,8 проценка артса, байларныкы 7,9 процентка) Әмма 2022 елда хәл капма-каршы булган – ул елның IV кварталында аз керемлеләрнең керемнәре байларга караганда тизрәк үскән. 

Шулай ук узган ел ахырына булган мәгълүматлар буенча, иң яхшы тәэмин ителгәннәрнең һәм ярлыларның кереме арасындагы аерма 16,6 тапкыр дип бәяләнә. «Ведомости» билгеләп үткәнчә, 2023 елның шул ук чоры белән чагыштырганда бу аерма арткан.