Балаларга ял итү өчен 20 мең сум сертификат бирергә тәкъдим итәләр

20 мең сумлык номиналлы сертификат Россия курорт фонды дәүләт реестрына кертелгән шифаханә-курорт оешмаларында ял итү һәм сәламәтләндерүне оештыру хезмәтләре өчен түләүгә җибәрелергә мөмкин. Моннан тыш, аны күрсәтелгән оешмаларга барып кайту өчен түләүгә тотарга мөмкин булачак. Дәүләт Думасы депутаты Леонид Слуцкий аңлатканча, балалар өчен җәйге ял кыйммәт кала бирә. Әйтик, 28 млн баланың быел җәен 6 млн га якыны ял итәчәк. Бу балалар үзләре теләмәгәнгә түгел, ә бәяләр "артканга", ә ата-аналарның мөмкинлеге юк. 
2025 елда диңгезгә лагерьга җибәрү 25-30 процентка арткан, бу, юлны санамыйча, 80-130 мең сум. Шәһәр яки шәһәр читендәге лагерьда ял итү20-40 мең сум тора.