БДИ: имтихан нәтиҗәләрен ничек белергә?

Сынауны узу бер, аннан соң иң ялыктыргычы – нәтиҗәләрен көтү. Алар, кагыйдә буларак, 7-14 көннән генә билгеле була.

Имтихан нәтиҗәләрен кайда һәм ничек белергә мөмкин соң?

1. Рособрнадзор сайтында, моның өчен нәтиҗәләрне тикшерү сервисыннан (https://checkege.rustest.ru/)  файдаланырга мөмкин; 
2. Дәүләт хезмәтләре порталы аша. Моның өчен абитуриентның расланган аккаунты кирәк булачак; 
3. Чыгарылыш сыйныф укучысы белем алган мәктәптә. 

Исегезгә төшерәбез, 23 майда Татарстан укучылары тарих, рус әдәбияты һәм химиядән, 27 майда – математикадан, 30 майда - рус теленнән БДИ тапшырдылар. Бүген – 2 майда – физика һәм җәмгыять белеме тапшыручылар сыналды.

Калган имтиханнар: 

• 5 июньдә — биология, география һәм чит телләр (язма өлеше)
• 10 июньдә — чит телләр (сөйләм өлеше) һәм информатика
• 11 июньдә — чит телләр (сөйләм өлеше) һәм информатика

Узган ел чыгарылыш сыйныф укучылары һәм имтиханга җитди сәбәпләр аркасында килә алмаганнар БДИны резерв көннәрдә -  16 июньнән 23 июньгә кадәр тапшырачак.

Гүзәл Камалова әзерләде.