«Беләсеңме аны? Бүген төнлә вафат булды...»: мошенниклар алдауның яңа схемасын уйлап чыгарганнар

Мошенниклар кешеләрне алдау процессында еш кына хис-кичерешләргә басым ясарга тырышалар. Шулай итеп, Россия Эчке эшләр министрлыгының  рәсми телеграмма-каналында алдауның яңа ысулы турында сөйләгәннәр.

Хәзер телеграмм каналларда төрле хәбәрләр актив таратыла. Җинаятьчеләр зыян күрүчеләрнең танышларының үлеме турында хәбәрләр яза. Мондый төр хәбәрләрне таратуда зарарлы программалар бар.

– Сәлам, син аны беләсең бит? Бүген төнлә вафат булды, кайгыгызны уртаклашам, — дип яза икән мошенниклар үз корбаннарына, ышандырыр өчен һәлак булучының фотографиясе белән файлны да беркетәләр икән.