#Кыскача яңалыклар 19 декабрь 2025, 12:23

Билбаулы көрәш буенча халыкара бәйгедә «Татарстан-1» «Татарстан-2»не 5:3 исәбе белән отты

19 декабрь 2025, 12:23

15-18 декабрьдә Казанның «Тулпар» спорт комплексында бөек татар галиме, мәгърифәтче Шиһабетдин Мәрҗани истәлегенә билбау көрәше буенча турнир узды. Ярышлар «диварга дивар» форматында оештырылды.

Скопировать ссылку

Билбаулы көрәш буенча халыкара бәйгедә «Татарстан-1» «Татарстан-2»не 5:3 исәбе белән отты

Турнирда төрле илләрдән килгән сигез җыелма команда, шул исәптән Татарстан һәм Үзбәкстаннан икешәр команда көч сынашты.

Беренчелек өчен көрәштә ике Татарстан командасы очрашты. Финал алышларында Татарстанның Максим Пантелеев, Илфат Миңнегалиев, Илнар Закиров, Илназ Рамазанов, Тамирлан Керефов, Ренас Кәримуллин, Эльдар Хәмитов һәм Радик Сәлахов составындагы беренче җыелма командасы республиканың икенче командасыннан көчлерәк булып чыкты. «Татарстан-1» җыелма командасы, 5:3 исәбе белән җиңеп, көмешне «Татарстан-2» командасына калдырды. Әлеге командада – Рафил Галиев, Ильяс Йосыпов, Ислам Кәримов, Динар Кәримуллин, Рафаэль Кәлимуллин, Фәргать Галиев, Егор Такарлыков һәм Ранис Гыйләҗетдинов көрәште.

Турнирның бронза медальләрен Төрекмәнстан җыелма командасы яулады.

Чыганак: Татар-информ

Кызыклы яңалыкларны күзәтеп бару өчен Т елеграмга кушылыгыз.