Бу яшелчәләрне майда ашап калыгыз, ди табиблар

Белгечләр бу айда күбрәк яшел тәмләткечләргә өстенлек бирергә киңәш итә. Аларда кан составы өчен кирәк булган тимер һәм бакыр һәм С витамины бар икән. Моннан тыш, бакчагызда үскән редисканы да ашарга онытмагыз. Анда С, В витаминнары, эфир майлары, углеводлар, ферментлар бар. Алар азык эшкәртү системасын  һәм аппетитны яхшыртуга ярдәм итә. Көн саен бер уч редиска ашасаң, йөрәк һәм мускулларны калий, магний белән баета, тешләр һәм сөякләргә кирәк булган кальций һәм фосфор белән ярдәм итә. Белгечләр томат турында да онытмаска киңәш итә. Анда ликопин, аскорбин кислотасы, B витамины, калий, фосфор, тимер бар.

Помидор белән бергә кыяр ашауны да гадәткә кертергә кирәк. Ул 95 процент судан тора. Составында С, В1, В2 витаминнары, калий бар. Сату нокталарында бакча җиләге, черешня да чыкты. С витамины организмга тиешенчә тупланып калсын дисәгез, сезон вакытында 10 килограмм җиләк ашарга кирәк икән. Медицина фәннәре докторы, профессор Ольга Милушкина фикеренчә, күзләрендә проблема булган  һәм иммунитыты начар кешеләргә җиләк аеруча файдалы.