Чүпрәле районында юл-транспорт һәлакәтендә ике кеше һәлак булган

Алынган мәгълүматларга караганда, KIA автомобиле йөртүчесе «Узып китү тыела» юл билгесенә карамастан, каршы як хәрәкәт полосасына чыккан. Нәтиҗәдә ул каршы яктан килгән Cherry автомобиле белән бәрелешкән.

Юл-транспорт һәлакәте нәтиҗәсендә KIA йөртүчесе һәлакәт урынында ук вафат булган. Cherry автомобиле йөртүчесе ашыгыч рәвештә хастаханәгә озатылган, әмма табиблар аның гомерен саклап кала алмаган — ул медицина учреждениесендә үлгән.

Һәлакәтнең сәбәпләре һәм барлык нечкәлекләре ачыклана.