#Кыскача яңалыклар 11 июнь 2026, 10:54

Чыгарылыш сыйныф укучылары чираттагы сынау уза

11 июнь 2026, 10:54

Бүген, 11 июньдә, физика һәм җәмгыять белеменнән Бердәм дәүләт имтиханы (БДИ) үткәрелә.

Скопировать ссылку

Чыгарылыш сыйныф укучылары чираттагы сынау уза

Бүген, 11 июньдә, физика һәм җәмгыять белеменнән Бердәм дәүләт имтиханы (БДИ) үткәрелә.

Физикадан имтиханны 3333 чыгарылыш сыйныф укучысы, җәмгыять белеменнән 5221 укучы тапшыра. Барлыгы бу көнне 8554 катнашучы теркәлгән, шул исәптән сәламәтлек мөмкинлекләре чикләнгән 98 укучы да бар.

Имтихан үткәрү өчен гомуми белем бирү оешмалары базасында 68 имтихан үткәрү пункты һәм өйдә үткәрелә торган 14 пункт оештырылган. Онлайн-видеокүзәтү белән җиһазландырылган 658 аудитория билгеләнгән. БДИ үткәрү эшендә 3140 педагогик хезмәткәр катнаша.

Физика фәненнән БДИның дәвамлылыгы — 3 сәгать 55 минут, җәмгыять белеменнән — 3 сәгать 30 минут. Сәламәтлек мөмкинлекләре чикләнгән укучылар өчен имтихан вакыты өстәмә 1 сәгать 30 минутка озайтыла.

Физика буенча минималь чик 36 балл тәшкил итә, җәмгыять белеме буенча — 42 балл. Әмма югары уку йортларына керү өчен чыгарылыш укучылары физикадан кимендә 39 балл, җәмгыять белеменнән кимендә 45 балл җыярга тиеш.

Кызыклы яңалыкларны күзәтеп бару өчен безнең МАХ каналына кушылыгыз.