#Кыскача яңалыклар 11 март 2025, 14:10

Дәүләт Думасына йорт хайваннарын маркировкалау һәм исәпкә алу турында закон проекты кертелгән

11 март 2025, 14:10

Россия Дәүләт Думасы депутатлары Сергей Миронов һәм Дмитрий Гусев Россия хөкүмәтенә йорт хайваннарын маркировкалау һәм исәпкә алуны кертүне күздә тоткан закон проектын юллаган. Бу хакта РИА Новости хәбәр итә.

Скопировать ссылку

Документка аңлатма язуында маркировкалау һәм исәпкә алуның тәкъдим ителә торган системасы «хайваннарны идентификацияләүгә һәм аларның хуҗаларын билгеләүгә юнәлдереләчәк», дип билгеләп үтелә.

Закон проектында маркировкалауның төрле ысуллары телгә алына: тамгалар салу, муенчаклар, биркалар яки боҗралар куллану, микрочиплар кертү. Исәпкә алуны инде гамәлдә булган «ВЕТИС» ФГИС системасы (ветеринария өлкәсендә мәгълүмат системасы) аша алып бару планлаштырыла.

Физик затлар өчен йорт хайваннарын асрау таләпләрен үтәмәгән өчен штраф күләме 1,5–3 меңнән 10-30 мең сумга кадәр, йорт хайваннары белән рәхимсез мөгамәлә өчен – 5-15 меңнән 15-30 мең сумга кадәр, ә гражданнарның гомеренә яки сәламәтлегенә зыян китергән хокук бозулар өчен – 50 мең сумга кадәр артачак.

«Хуҗалар хайваннар өчен җавап бирергә тиеш. Безнең төзәтмәләр дүрт аяклыларның күзәтүчесезлеген кисәтүгә хезмәт итәчәк. Без гуманлы превентив чаралар белән урамнарда сукбай этләр санын киметергә омтылабыз. Һәм безнең бурыч – гражданнарны, балаларыбызны агрессив көтүләр һөҗүмнәреннән яклау», - дип ассызыклады сәясәтче.

Кызыклы яңалыкларны күзәтеп бару өчен безнең МАХ каналына кушылыгыз.