#Кыскача яңалыклар 24 декабрь 2025, 14:32

Депутатлар хуҗасыз җәнлекләргә бәйле закон проектын кабул итте

24 декабрь 2025, 14:32

Җиденче чакырылыш Татарстан Дәүләт Советының унҗиденче утырышында депутатлар кискен хәлләрдә хуҗасыз җәнлекләргә карата йоклатуны (эвтаназия) кулланырга мөмкинлек биргән канунны хуплады.

Скопировать ссылку

Закон Татарстан территориясендә хуҗасыз җәнлекләргә мөнәсәбәтле рәвештә экстраординар вазгыять режимын кертү тәртибен һәм аны хәл итү өчен гамәлгә ашырылырга мөмкин булган чаралар исемлеген раслый.

Канунда шулай ук җәнлекләрне вакытлыча тоту пунктларын булдыру һәм хуҗасыз җәнлекләрне йоклату очраклары исемлеген киңәйтү каралган.

Закон проекты нигезендә экстраординар вазгыять режимын кертү турында карарны Татарстан Республикасы Министрлар Кабинетының Баш ветеринария идарәсе кабул итәчәк һәм ул гуманлы юл белән башкарылырга тиеш.

Кызыклы яңалыкларны күзәтеп бару өчен безнең МАХ каналына кушылыгыз.