Эш урынында индивидуаль яклау чаралары турында нәрсәләр белергә кирәк?

Индивидуаль яклау чаралары хезмәткәрләрне зарарлы һәм куркыныч җитештерү факторларыннан, шулай ук пычранулардан саклый.

Индивидуаль яклау чаралары үз эченә: махсус киемнәр, махсус аяк киеме, дерматологик саклану чаралары, сулыш органнарын, кулларны, башны, битне, ишетү органнарын, күзләрне саклау чаралары, биеклектән егылудан саклану чаралары һәм башкаларны ала.

Әлеге чараларга таләпләр Россия Федерациясенең техник җайга салу турындагы законнары нигезендә билгеләнә.

Хезмәткәрләргә индивидуаль яклау чаралары һәм юу чараларын түләүсез бирү нормалары эш бирүче тарафыннан бердәм нормалар нигезендә билгеләнә. Бу чакта хезмәт шартларын махсус бәяләү нәтиҗәләре, һөнәри куркынычларны бәяләү нәтиҗәләре, шулай ук беренчел профсоюз оешмасының сайланулы органы яисә хезмәткәрләрнең башка вәкаләтле вәкиллекле органы фикере исәпкә алына.

Эш бирүче үз акчалары исәбеннән индивидуаль яклау чараларын вакытында бирүне, саклауны, кер юуны, химик чистартуны, киптерүне, ремонтлауны һәм алмаштыруны тәэмин итәргә тиеш. Шуны истә тотарга кирәк: индивидуаль яклау чараларын дөрес куллану һәм вакытында алыштыру — хезмәткәрләрнең сәламәтлеген һәм хезмәткә сәләтлелеген саклау нигезе.

Хезмәт законнары өлкәсендә сорауларыгыз туса, Сез Татарстан Республикасының Дәүләт Хезмәт инспекциясенә мөрәҗәгать итә аласыз.Казан, Шиһабетдин Мәрҗани ур., 48 адресы буенча килә аласыз.

"Онлайнинспекция.рф" порталында сез конкрет ситуация буенча җавап алырга ярдәм итәчәк бик күп инструментлар табачаксыз. Эш урынында куркынычсызлык турында кайгырту — эш бирүченең бурычы гына түгел, ә хезмәткәрнең шәхси җаваплылыгы да икәнен онытмагыз.

Алсу Зәйнетдинова,

ТР Дәүләт хезмәт инспекциясе җитәкчесе урынбасары