#Кыскача яңалыклар 20 май 2025, 09:47

Эшмәкәрләренең роботлаштырылган ярдәмчесе барлыкка килгән

20 май 2025, 09:47

Татарстанның икътисад министры урынбасары Гөлназ Исмәгыйлева «Татарстанда бизнесны тикшергәндә ясалма интеллект кертү» темасына багышланган матбугат конференциясендә, пилот режимында, роботлаштырылган ярдәмче эшли башлавын хәбәр итте.

Скопировать ссылку

Сүз телеграмм мессенджерындагы "ГосПромпт" проекты кысаларында ясалма интеллект кулланыла торган чат-бот турында бара.

– Чат-бот эшкуарларның фикерләрен истә тотып барлыкка килде. Ул оператив рәвештә актуаль мәгълүмат белән таныштыра, бизнес алып бару мәсьәләләре буенча консультация бирә, – дип аңлатты спикер

Чат-бот ярдәмендә эшмәкәр тикшерүгә алдан ук әзерләнергә, ярдәмче белән диалог алып барырга, инспектор сораган кирәкле документлар турында белергә мөмкин. Шулай ук аның ярдәмендә быел оешмага тикшерү уздырылачакмы-юкмы һәм аның нинди хакимият органы тарафыннан үткәреләчәген бееп була.
– Узган атнада чат-бот яңартылды. Хәзер эшмәкәрләр алынган консультация сыйфаты турында бәяләмәләр калдыра ала. Алга таба ул тагын да камилләштереләчәк, – диде Гөлназ Исмәгыйлева.

"Эшмәкәрләр үз өстенә җаваплылык ала, һәм мин андый кешеләргә зур хөрмәт белән карыйм. Узган ел бөтен ил бизнесы өчен авыр сынау булды, федераль һәм республика ярдәм чаралары күрелде. Югалтулар булды, әмма эшмәкәрләрнең төп үзәге бу катлаулы чорны кичерә алды", - дигән иде Рөстәм Миңнеханов.

Кызыклы яңалыкларны күзәтеп бару өчен безнең МАХ каналына кушылыгыз.