Фән белән производство хезмәттәшлеге турында фикер алыштылар

Анда фән белән производство арасындагы хезмәттәшлекнең нәтиҗәлелеген арттыру мәсьәләләре каралды.

Утырышта КФУ галимнәре химия, нефть химиясе һәм медицина өлкәсендәге перспективалы проектлар белән таныштырды. Шулай ук «Кече тоннажлы химия технологияләре» технопаркындагы катализаторлар фабрикасы эше һәм фәнни эшләнмәләрне сәнәгатькә кертү тәҗрибәсе тәкъдим ителде.

«СИБУР» һәм «Тасма» предприятиеләре вәкилләре югары уку йортлары белән уртак проектларның уңышлы гамәлгә ашырылуын билгеләде. Фикер алышу барышында кадрлар әзерләү, яшь галимнәрне фәнгә җәлеп итү һәм технологик суверенитетны ныгыту мәсьәләләре дә күтәрелде.

Комитет рәисе Айрат Зарипов әйтүенчә, утырышта яңгыраган тәкъдимнәр Дәүләт Советы депутатларына җиткереләчәк. Утырыштан соң депутатлар КФУның «Кече тоннажлы химия технологияләре» технологик паркында да булды.

Татарстан Дәүләт Советы матбугат хезмәте