Фирдүс Тямаев һәм махсус операция хәрбиләре Донецк янында туган як турында җырлаган

Нурлат районы делегациясенә район башлыгы Дамир Ишкинеев кергән. Татарстанның атказанган артисты Фирдүс Тямаевка кушылып хәрбиләр «Мин яратам сине, Татарстан!» җырын башкарган.

«Безнең юл Курск, Донецк, Луганск һәм Херсон өлкәләреннән узды, анда без яклаучыларыбыз белән очраштык. Авырлыкларга да карамастан, хәрбиләрнең кәефе яхшы булу сөендерә», – дигән Алмаз Мингулов.

Гуманитар йөкләр махсус операция зонасындагы хәрби бүлекчәләргә тапшырылган.

Элегрәк ТР Рәисе Рөстәм Миңнеханов Татарстан Дәүләт Советына еллык юлламасында махсус хәрби операциядә катнашучыларга ярдәм күрсәтүгә мөһим өлеш керткән өчен волонтерларга рәхмәт белдерде. «Кешеләр моны үз тирәсендә шундый ук битараф булмаган гражданнарны берләштереп, фикердәшләрдән тулы бер командалар җыеп ихлас күңелдән һәм чын йөрәктән эшли», - дип искәртте республика җитәкчесе.

Соңрак Татарстан Рәисе Мәскәү Кремлендә Россия Президенты Владимир Путин белән очрашуда да махсус операциядә катнашучыларга ярдәм күрсәтү турында сөйләде. «Гуманитар ярдәм күрсәтү буенча бик зур эш башкарабыз. Һәр шәһәргә, һәр муниципалитетка барабыз. Халык та, компанияләр дә гуманитар ярдәм җыю буенча актив эшли: 4389 тонна йөк формалаштырылды һәм җибәрелде», – диде ул.

Чыганак: Татар-информ