Ялларда нинди һава торышы көтелә?

Ике тәүлек эчендә, 15 һәм 16 февральдә, республикада кар капламы 5-10 сантиметрга артачак. 15 февральдә кар, көндез урыны белән буран һәм җил көтелә. Җил секундына 16 метрга кадәр җитәчәк.

Төнлә -9-14 градус, көндез  -5-10 градус салкын фаразлана. Якшәмбе, 16 февральдә, төбәк циклон үзәгендә калачак. Кар явачак, урыны белән ул бик көчле булачак. Аерым районнарда буран һәм көчле җил көтелә: төнлә -6-11 градус, көндез -4-9 градус салкын фаразлана.