Яңа ел бүләкләрен кайсы айда сатып алу отышлырак

Белгечләр аларны ноябрьдә, зур ташламалар чорында сатып ала башларга киңәш итә.

Консалтинг компаниясенә нигез салучы Сумишевская РИА Новостига сөйләгәнчә, ноябрьдә онлайн-кибетләрдә ташламалы акцияләр аеруча актив була. Бу чорда «Кара җомга», «Кибер дүшәмбе» һәм «11.11» сату чаралары уза.

Белгеч сүзләренчә, товарларны китерүдә тоткарлыклар булу сәбәпле, кайбер ташламалар гадәттәгедән озаграк дәвам итәргә мөмкин. Шулай ук вакытында сатылып бетмәгән яки соңарып килгән товарларның бер өлеше Яңа елга якын көннәрдә дә ташлама белән тәкъдим ителергә мөмкин.

Шул ук вакытта бүләкләрне соңгы көннәргә калдырмау хәерле. Сумишевская бәяләвенчә, актив сатып алулар чоры якынча 25 декабрьдә билгеләп үтелә торган католик Раштуасына кадәр дәвам итәргә мөмкин.

Шуңа күрә Яңа ел бүләкләрен ноябрьдә үк сайлый башлау — кирәкле әйберләрне ташлама белән алырга һәм бәйрәм алдыннан ашыгыч сатып алулардан качарга мөмкинлек.