Пакетлы чәй — тиз һәм уңайлы эчемлек, шуңа күрә аны көн саен кулланучылар күп.
Пакетлы чәй — тиз һәм уңайлы эчемлек, шуңа күрә аны көн саен кулланучылар күп.
Әмма чәйне кайнар суда пешергәндә пакет материалыннан микропластик бүленеп чыгарга мөмкин. Чит ил галимнәре үткәргән тикшеренүгә сылтама белән эндокринолог Зөһрә Павлова шул хакта сөйләде.
Табиб үзенең Telegram-каналында язганча, чәй пакетын якынча 95 градуслы суда пешергәндә, бер чынаяк эчемлектә 2498 микропластик кисәкчәсе табылган.
«Бу кисәкчәләрнең барысы да полиамид җепселләр, ягъни пакетның үз материалыннан бүленеп чыккан», — дип аңлаткан ул. Табиб шулай ук пластик пакетлардан ясалган эчемлекләрдә бисфенол А (BPA) һәм пластификаторлар табылуы турында искәрткән.
Бисфенол А — эндокрин системага йогынты ясарга мөмкин булган матдә. Шуңа күрә белгечләр аның тәэсиренә аеруча сизгер булырга мөмкин кешеләргә, шул исәптән балаларга һәм йөкле хатын-кызларга, игътибарлы булырга киңәш итә.
Зөһрә Павлова чәйне керамик, пыяла яки дат басмый торган корыч савытта пешерергә киңәш биргән.
«Пакетлы чәйне өстен күрәсез икән, кәгазь яки целлюлозадан ясалган пакетларны сайлагыз. Пластик челтәрле пакетлардан баш тарту яхшырак», — дип йомгаклаган табиб.
Кызыклы яңалыкларны күзәтеп бару өчен безнең МАХ каналына кушылыгыз.
Вход на сайт
#Җәмгыять
#Сәламәтлек
Комментарийлар