Янгыннар саны кимегән, ә һәлак булучыларның саны киресенчә арткан

Аларда 91 кеше һәлак булган, 113 кеше төрле дәрәҗәдәге җәрәхәтләр алган. VII чакырылыш Татарстан Дәүләт Советының 13 нче утырышында Россия Гадәттән тыш хәлләр министрлыгының Татарстан буенча Баш идарәсе башлыгы Ирек Кадамов шулай дип белдерде.   

Быел янгында 5 бала һәлак булган: Чистай һәм Биектау районнарында – 2шәр бала, һәм 1 се – Казан шәһәрендә.
– Янгыннар саны 3,3 процентка, кешеләрнең җәрәхәтләнү очраклары 21,5 процентка кимеде, шул ук вакытта һәлак булучылар саны 30,0 процентка яки 21 кешегә артты. Янгыннарның төп сәбәпләре булып элеккечә үк ут белән саксыз эш итү  һәм электр җиһазларыннан һәм мичтән дөрес кулланмау тора. Һәм янгыннарның иң күбе торак секторда һәм ачык территорияләрдә теркәлгән, – дип сөйләде ул.

2024-2025 елларда янгын күзәтчелеге органнары тарафыннан янгын куркынычсызлыгы таләпләрен үтәүне тикшерү максатыннан 725 чара уздырылган.