Җиңел акча артыннан — төрмәгә: Казанда наркотиклар белән тотылган кызга 15 ел яный

Аның кесәләреннән ике дистәгә якын наркотик төргәге табылган.

Россия Эчке эшләр министрлыгының Казан буенча идарәсендә хәбәр итүләренчә, тоткарланган кыз кыстыргычлар ясау белән шөгыльләнгән. Аның эшчәнлеген социаль челтәрләр аша элемтәгә чыккан билгесез куратор җитәкләгән.

Кызны эфедрон белән яшерен урын булдырган вакытта кулга алганнар. Яшерелгән наркотиктан тыш, хокук сакчылары аның куртка кесәләрендә әлеге матдә белән тагын 18 пакет тапкан. Наркотикларның гомуми авырлыгы якынча 35 грамм тәшкил итә.

Тоткарланган кыз кулга алынган, ул үз гаебен тулысынча таныган. Әлеге факт буенча җинаять эше кузгатылган. Закон нигезендә аңа 10 елдан 15 елга кадәр ирегеннән мәхрүм ителү яный.