Кайбер автосөючеләрнең машиналарын тартып алачаклар. Бу кемнәргә кагыла?

Гомуми юрисдикциянең өченче кассацион суды Россиядә исерек машина йөртүчеләрдән машиналарын тартып алырга рөхсәт иткән. Бу хакта РИА Новости хәбәр итә.

Суд машинаны дәүләт файдасына алу өчен ике шарт җитә дип карар чыгарган. Болар: автомобильнең гаепләнүче милкендә булуы; шулай ук автомобильне җинаять кылганда куллану.

Искәртеп үтик, Татарстанның Арча район суды шул бирлектә яшәүче ирне исерек хәлдә транспорт чарасы белән идарә итүдә гаепле дип тапкан һәм аның Mercedes-Benz машинасын тартып алган.