Кәнфит аркасында правадан мәхрүм калырга мөмкинсез

Кайбер продуктлар организмда алкоголь күләмен вакытлыча арттыра ала.

Канун буенча алкогольнең чикләре болай билгеләнә:

— Бер литр канга: 0,3 промилледән артмаска тиеш
— Алкотестер кулланган очракта сулаган һавада: 0,16 мг/лдан артмаска тиеш

Әгәр бу нормалар бозылса, 45 мең сум штраф, 1,5–2 елга машина йөртү хокукыннан мәхрүм итү яный. 
Руль артына утырганчы бу чикләрне истә тоту бик мөһим!

Төмән өлкәсендә бер машина йөртүче ярты килограмм ликерлы конфет ашаганнан соң гаишниклар кулына эләккән. Прибор аша тикшерсәләр, 0,37 миллиграмм алкоголь күрсәткән, исерек килеш руль артына утырган өчен аңа штраф язылган, ә автомобилен штрафстоянкага җибәргәннәр. Шулай итеп ул “исерек килеш” дип танылган һәм правасыннан мәхрүм ителгән.

Хәтта гади генә дип уйланылган ризыклар да проблема тудырырга мөмкин. Руль артына утырганчы сак булыгыз!

Билгеле булганча, Татарстанда «Сәламәтлек технологиясе» илкүләм проекты гамәлгә ашырыла.