Казан аэропортында 7 миллион сумга якын акча белән тоткарланганнар: өч пассажир нинди кагыйдәне бозган?

Таможня хезмәткәрләре аларны «яшел» коридорда тикшергәндә ачыклаган.

Пассажирларның кул йөгендә шактый зур суммадагы акча булган: беренчесендә — 2 млн 145 мең сум, икенчесендә — 2 млн 505 мең сум, өченчесендә 2 млн 530 мең сум. Шулай итеп, өч ир-атның гомуми акчасы 7 млн 180 мең сум тәшкил иткән.

Евразия икътисадый берлеге кагыйдәләре буенча, билгеләнгән чиктән артып киткән акчаны таможняда декларацияләргә кирәк. Әмма пассажирларның берсе дә моны эшләмәгән.

Хокук бозу өчен ир-атларга карата административ эшләр кузгатылган. Таможня хезмәткәрләре декларацияләнмичә алып чыгарга ярамаган өлешне дә тартып алган: беренчесеннән — 1 млн 290 мең сум, икенчесеннән — 1 млн 650 мең сум, өченчесеннән 1 млн 675 мең сум.

Барлыгы 4 млн 615 мең сум акча алынган. Суд карары чыгарылганчы, ул җаваплы саклауда торачак.

Әлеге очрак тагын бер кат искәртә: чит илгә зур күләмдә акча алып чыкканда таможня кагыйдәләрен алдан белү мөһим. «Яшел» коридордан узу акчаны декларацияләү бурычын юкка чыгармый.