Казан хәрби операция ветераннары арасында һөнәри осталык чемпионатын кабул итәчәк

Булачак чемпионат турында РФ мәгариф министры Сергей Кравцов Россия Президенты Владимир Путинның ил Хөкүмәте әгъзалары белән киңәшмәсендә сөйләде. Бу хакта Кремль матбугат хезмәте хәбәр итә.

«<...> Казанда сезнең йөкләмә буенча махсус хәрби операция ветераннары арасында беренче чемпионат уздырачакбыз. Алар арасында Ватанны саклаганда яраланган геройларыбыз да бар", - дигән мәгълүмат бирде дәүләт башлыгына министр.

Һөнәри осталык чемпионатларының «зур роленә» игътибар юнәлтеп, Мәгариф министрлыгы җитәкчесе шулай ук «Яшьләр һәм балалар» милли проектының «Профессионалитет» федераль программасы «ачык нәтиҗәләр бирә» дип билгеләп үтте.

Искәртеп үтәбез, Татарстан Республикасы Рәисе Рөстәм Миңнеханов 18 февральдә ветераннар һәм махсус хәрби операциядә катнашучылар өчен «Батырлар. Татарстан Геройлары» республика программасын гамәлгә ашыра башлау турында игълан итте.

Чыганак: Татар-информ