Казанда экскаватор пенсионер хатынны бәрдереп үтергән

Фаҗига видеокамераларга эләккән. Аны ТР буенча Эчке эшләр министрлыгы матбугат хезмәте бастырып чыгарды.

24 апрель көнне иртән Казанда Рихард Зорге һәм Даурская урамнары киселешендә экскаватор светофорның яшел сигналына юл аркылы чыгучы 76 яшьлек хатын-кызны бәрдергән. Алынган җәрәхәтләрдән хатын-кыз урында ук үлгән.

Экскаватор руле артында республиканың Лаеш районында яшәүче 32 яшьлек кеше булган, ул махсус техниканы төзелеш территориясенә куып чыгарган.

«Саксызлык аркасында кеше үлеменә китергән юл йөрү кагыйдәләрен һәм транспорт чараларын эксплуатацияләүне бозу»маддәсе буенча җинаять эше кузгатылган. Машина йөртүче тоткарланган.

<iframe src="https://vk.com/video_ext.php?oid=328086605&id=456239419&hash=2864ebdb60ecb843" width="640" height="360" frameborder="0" allowfullscreen="1" allow="autoplay; encrypted-media; fullscreen; picture-in-picture"></iframe>