#Кыскача яңалыклар 22 июль 2025, 13:31

Казанда йорт ишегалдында яшүсмер кызны һәм аның әнисен кыйнаган ир белән хатынны тоткарлаганнар

22 июль 2025, 13:31

Социаль челтәрләрдә Казанның Зорге урамындагы ишегалларының берсендә ике гаилә арасында килеп чыккан низаг турындагы видео пәйда булды.

Скопировать ссылку

Татарстан буенча эчке эшләр министрлыгы матбугат хезмәте хәбәр итүенчә, ирле-хатынлы гаилә хатын-кыз һәм аның кызына ташланган. Ир-ат 17 яшьлек кызга ташланган һәм аның әнисенә берничә тапкыр суккан.

Ачыкланганча, яшүсмер кыз ишегалдында ике малай рәнҗеткән энесен якларга килгән. Кыз балалар белән сөйләшергә тырышып караган, ләкин җавап итеп аңа малайларның берсенең әти-әнисе йодрыклары белән ташланган.

Низагта катнашучыларның барысын да тоткарлаганнар һәм полиция бүлегенә китергәннәр.

Әлеге талашта тагын ике бала зыян күргәнлеге ачыкланган. Яшүсмерләргә медицина ярдәме кирәк булган. Хулиганлык маддәсе буенча җинаять эше кузгатылган.

Россия Тикшерү комитеты Рәисе Бастрыкин Россия Тикшерү комитетының Татарстан Республикасы буенча Тикшерү идарәсе җитәкчесе Липскийга җинаять эшен тикшерү барышы һәм билгеләнгән хәлләр турында хәбәр итәргә кушкан.

Кызыклы яңалыкларны күзәтеп бару өчен Т елеграмга кушылыгыз.