Казанда «Ход пластиком» акциясе үтә: мәктәпләрдә контейнерлар урнаштырылган

Аның кысаларында Киров һәм Мәскәү районнары мәктәпләрендә пластик шешәләр һәм капкачлар җыю өчен махсус контейнерлар урнаштырылган.

Акциянең максаты – укучыларны һәм шәһәр халкын чүп-чарны аерым җыюга җәлеп итү, шулай ук икенчел чималны эшкәртүнең әһәмиятен аңлату. Җыелган пластик эшкәртелеп, үзенчәлекле иҗади проектка юнәлтеләчәк.

Оештыручылар хәбәр иткәнчә, эшкәртелгән материалдан Аккош күле янында урнаштырылачак шахмат фигуралары һәм арт-объект ясалачак. Әлеге композиция шәһәр мохитен бизәү белән беррәттән, экология темасына игътибарны җәлеп итүне дә максат итеп куя.

Яңа арт-объектларны казанлылар һәм кунаклар 20 июньдә узачак Сабантуй бәйрәмендә күрә алачак.

Акция алга таба да дәвам итәчәк, һәм аңа башка мәктәпләр дә кушылыр дип көтелә.

Билгеле булганча, «Экологик иминлек» илкүләм проекты гамәлгә ашырыла.