Казанда троллейбуслар шәһәр халкы арасында популярлаша бара

2025 елның гыйнварыннан октябренә кадәр Казан троллейбусларыннан 21 миллионнан артык кеше файдаланган, бу узган елның шул ук чоры белән чагыштырганда 4% ка күбрәк. Бу хакта «Метроэлектротранс» МУП на сылтама белән Татарстан башкаласы Мэриясенең матбугат хезмәте хәбәр итә.

Шул ук вакытта трамвайлар 10 ай эчендә 13 млн пассажир ташыган – күрсәткеч 2024 ел дәрәҗәсеннән 0,4% ка түбәнрәк булган.

Бүгенге көндә предприятие 107 вагонлы бер трамвай депосын һәм 185 транспорт берәмлеге булган ике троллейбус паркын файдалана.

Казанда гомуми озынлыгы 240,5 км булган 9 трамвай маршруты һәм озынлыгы 267,9 км булган 11 троллейбус маршруты эшли.