КФУ климатологы Никольский суыкларының ни өчен булмавын аңлаткан

Бу көнне, ышанулар буенча, Никольск суыклары килергә тиеш. Әмма, ТР Гидрометеоүзәгенең башлангыч фаразлары буенча, 19 декабрь көнне төбәктә җылы һава торышы көтелә, урыны белән бераз явым-төшем булачак. Климат аномалияләренең сәбәпләре турында профессор Юрий Переведенцев КФУ матбугат хезмәтенә сөйләгәне.

«Никольск суыклары-төнге температураның минус 20 градуска кадәр һәм аннан да түбәнрәк төшүе очрагы дип саналды. Бу билгеләмә 75 процент очракта акланган-төнге температура 20дән 31 градуска кадәр булган. Иң салкын көн 1986 елда булды, температура нульдән түбән 31 градуска җиткән», - дип сөйләгән  климатолог.

Галим мәгълүматлары буенча, соңгы берничә елда 19 декабрьдә уңай температура фоны билгеләп үтелә, һәм бу ел – искәрмә түгел. ТР Гидрометеорология үзәге фаразлавынча, җылыну көтелә.

«Соңгы еллар климатның глобаль җылынуы аркасында җылы булды, бигрәк тә кышын күзтелде бу. Җәйге чорларга ул алай ук кардиналь йогынты ясамый. Климатик кыш уртача тәүлеклек температура минус 5 градустан күчеп түбәнәя башлагач башлана. Бу күчеш шушы көннәрдә генә булды, ягъни бер айга соңга калды. Статистика буенча, кышкы чорга күчү 19-21 ноябрьдә булырга тиеш, ул вакытта температура минус 5 градуска җитә, тотрыклы кар капламы урнаша», - дигән Юрий Переведенцев.