#Кыскача яңалыклар 18 февраль 2025, 13:06

КНИТУ-КАИда яңа ректорны тәкъдим иттеләр

18 февраль 2025, 13:06

Карл Маркс урамындагы КНИТУ-КАИның төп бинасында бу минутларда югары уку йортының яңа җитәкчесе Кирилл Охоткин белән таныштыралар.

Скопировать ссылку

Югары уку йортының Гыйльми советы утырышы 10:00 дә башланган.

Утырышта РФ Фән һәм югары белем министры урынбасары Айрат Гатиятов, республика премьер-министры урынбасары Ләйлә Фазлыева, ТР рәисе ярдәмчесе Альберт Гыйльметдинов, моңарчы КАИны җитәкләгән Тимур Алибаев та катнаша.

Алибаевның отставкага китүе турындагы мәгълүмат узган ел ахырында барлыкка килде. Ректорның гаиләсе ТР Прокуратурасы белән бәхәс алып бара.
Югары уку йортының яңа җитәкчесе Охоткинга 48 яшь, ул физика-математика фәннәре докторы, РФ Хөкүмәтенең Гагарин космик эшчәнлек өлкәсендә премия лауреаты. Күп санлы бүләкләргә ия.

Кызыклы яңалыкларны күзәтеп бару өчен безнең МАХ каналына кушылыгыз.