Көненә бары тик 3 мандарин ашарга мөмкин?!

Белгечләр сүзләренә ышансак, мандарин ашау нормасы кешенең яшенә бәйле: өч яшькә кадәрге балаларга көненә 2-3 телем генә рөхсәт ителә, өч яшьтән – яртысын. Мәктәпкәчә яшьтәге балаларга исә тулы бер мандаринны ашарга була. Ә менә мәктәптә укучыларга һәм өлкәннәргә көненә 2-3 мандарин ашарга мөмкин. 

Мандаринны күп күләмдә ашасаң, эчәклек эшчәнлеге бозыла ала икәнен ассызыклап узарга кирәк. Моннан тыш, бу цитрусны контрольсез ашау гастрит һәм язва китереп чыгарырга мөмкин.

Цитрусларны исә көннең беренче яртысында ашарга киңәш ителә. Идеаль вакыт – иртәнге яки төшке аштан соң 1,5-2 сәгать узгач, ләкин көндезге өчтән дә соңга калырга ярамый! Чөнки кич белән цитруслар эчәклек эшчәнлегенең бозылуына китерергә мөмкин, дип аңлата белгечләр. 

Яхшы хәбәрләр дә бар, дуслар: бер мандарин 30 тәүлеккә кадәр С витаминына ихтыяҗны тәэмин итә. Аның согында калий, магний, кальций һәм А витамины бар. Соңгысы, сүз уңаеннан, тире картаюын акрынайта һәм коллаген эшләп чыгаруны стимуллаштыра.

Илүзә Касыймова әзерләде