Кулъязма мүсхәф язылып беткән

Идел буе Болгар дәүләтендә исламның кабул ителүенә 1100 еллык чаралары кысаларында нәзарәт бу эшне тантаналы рәвештә 2022 елда башлап җибәргән иде. "Бүген бу эш тәмамланды, хәзер хаталарны тикшереп кенә чыгасы калды. Кулъязма мүсхәфнең кыйммәтен дөньякүләм танылган галим, Дубайдан Мәэмүн Әр-Рави аңлатты: “Бу мүсхәфнең үзенчәлеге шунда: ул 11 чыганакка таянып языла. Ул эталон булачак, аннан карап башка мүсхәфләр язылачак”. Килешәсездер, җәмәгать: бик югары бәя! Нәзарәт өчен Казанда язылган Коръән башка кыйммәтләре белән дә кадерле: беренчедән, ул - Россиянең яңа тарихында тәүге үрнәк; икенчедән, ул җуелган татар каллиграфиясенең фәнни мәктәбен торгыза; өченчедән, ул Казан дин галимнәренең үз хезмәт нәтиҗәсе булып тора: аны үзебезнең белгечләр күзәтчелеге астында Россия ислам институтында укып чыккан үзебезнең Казан хаттаты язды" диде Камил хәзрәт Сәмигуллин.