«Кулларымны күтәреп өлгердем генә»: 71 яшьлек хатын дүртенче каттан егылып төшкән сабыйны коткарган

Аның сүзләренчә, ул йорт каршында чәчәкләр утыртып йөргәндә балаларның кычкырган тавышын ишеткән. Өскә караса, кәрниздә кечкенә бала басып тора икән. Хатын әти-әнисен чакырып кычкырган, әмма җавап булмаган.

«Мин аның хәзер егылып төшәчәген аңладым. Йөгереп барып, кулларымны күтәрергә генә өлгердем. Бала туры күкрәгемә килеп төште. Икебез дә куаклар өстенә аудык», — дип искә ала ул.

Вакыйгадан соң сабыйны табиблар тикшергән. Аның сәламәтлегенә җитди зыян килмәгән.

Икенче көнне баланың әти-әнисе Галина Долгалевага шалтыратып, улларын коткарганы өчен тагын бер кат рәхмәт белдергән. Алар әйтүенчә, бала белән хәзер барысы да яхшы.