#Кыскача яңалыклар 25 сентябрь 2025, 11:59

Күп балалы гаиләләр җир кишәрлекләре урынына акчалата компенсация алачак

25 сентябрь 2025, 11:59

VII чакырылыш Татарстан Дәүләт Советының 13 нче утырышында депутатлар беренче укылышта һәм тулаем алганда республика җир кодексына үзгәрешләр кертү буенча закон проектын кабул итте.

Скопировать ссылку

Закон проекты Казанда һәм Чаллы шәһәрләрендәге күп балалы гаиләләргә җир кишәрлекләре урынына акчалата компенсация алу мөмкинлеген бирә.
Республиканың җир һәм мөлкәт мөнәсәбәтләре министры Фәнил Әһлиуллин сүзләренчә, бүгенге көндә күп балалы гаиләләргә җир кишәрлекләре җитмәү проблемасы бар. Аерым алганда, җирле үзидарә органнарында җир участоклары белән тәэмин ителмәгән 27 580 күп балалы гаилә исәптә тора. Шуларның 8 500 дән артыгы – Казаннан, 5 300 гаилә – Чаллыдан. “Өч һәм аннан күбрәк баласы булган гражданнарга җир участоклары бирү өлкәсендәге вазгыять күпбалалы гаиләләрнең торак шартларын яхшырту вариантларын киңәйтү кирәклеген күрсәтә”, – дип билгеләп үтте докладчы.

Кызыклы яңалыкларны күзәтеп бару өчен безнең МАХ каналына кушылыгыз.