#Кыскача яңалыклар 24 марта 2025, 10:18 Уку өчен 2 минут

«Күзләремне кояш камаштырды»: алты кеше һәлак булган, 19ы зыян күргән

24 марта 2025, 10:18

Уку өчен 2 минут

Рейс автобусы йөртүчесе Симферополь янында үлемгә китерүче юл-транспорт һәлакәтенең сәбәбен аңлаткан.

Скопировать ссылку

Рейс автобусы йөртүчесе Симферополь янында үлемгә китерүче юл-транспорт һәлакәтенең сәбәбен аңлаткан.

Автобуста барлыгы 32 кеше булган. Фото: Кырым прокуратурасы матбугат хезмәте

Симферополь районында йөк машинасы һәм автобус катнашындагы юл-транспорт һәлакәте аркасында алты кеше һәлак булган, тагын 19 кеше зыян күргән. Бу хакта Россия гадәттән тыш хәлләр министрлыгы матбугат хезмәте хәбәр итә.

Авария Укромное авылыннан ерак түгел килеп чыккан. Автобус «Саки – Симферополь» маршруты буенча барган. Ул юл кырыенда торучы йөк машинасына килеп бәрелгән.

Һәлакәт урынында 25 кеше һәм 9 берәмлек техника эшли. Гадәттән тыш хәлләр министрлыгының КР буенча Баш идарәсе матбугат хезмәтендә хәбәр итүләренчә, әлеге участокта хәрәкәт итү авырлашкан.