Кышкы шиннарны кайчан алыштырырга? Белгечләр нинди киңәш бирә

Бу хакта «Авито Авто» экспертлары хәбәр иткән, дип яза РИА Новости.

Белгечләр аңлатканча, кышкы шиннар җылы һавада үз сыйфатларын югалта: алар юлга начаррак ябыша һәм тизрәк тузарга мөмкин.

Шуңа күрә шиннарны вакытында алыштыру куркынычсызлык өчен дә, акчаны саклау өчен дә мөһим.
Экспертлар әйтүенчә, уртача тәүлеклек температура тотрыклы рәвештә +7 градусны узгач , җәйге шиннарны куярга була.

Ләкин моны артык иртә эшләү дә киңәш ителми. Кайбер төбәкләрдә яз башында кинәт кар явуы яки салкыннар кире кайтуы ихтимал.
Бу очракта җәйге шиннар юлда куркыныч тудырырга мөмкин.

Белгечләр яз көне шиннарны алыштыру белән генә чикләнмәскә киңәш итә.
Кыштан соң автомобильнең асылма системасындагы резина-техник детальләр дә тикшерүне таләп итә.

Билгеле булганча, Татарстанда «Эффектив транспорт системасы» илкүләм проекты гамәлгә ашырыла.